bahaghari

🎶 Nung ako’y nag hayskul ay

Napabarkada sa mga bi

Curious na babae na ang hanap

din ay babae 🎶

🎶 Dahil ba ang mga kilos ko’y iba

Sa dapat makita ng iyong mata

Sa tuwing nanonood ng liga laging

nakatulala

Kahit di pumasok ang bola

Ako’y tuwang-tuwa 🎶

Mga sikat na awit

Mga kantang libu-libong puso ang namingwit

Dahil natuwa

Namangha

Na-LSS

O di kaya’y

Nakarelate.

Nakaramdam ng koneksyon

Sa kantang nais

Sa kantang ang misyon

Ay makapagbukas ng isip

“I now pronounce you

husband and wife.”

Palakpakan.

Hiyawan.

Ayeeee. Woot woot.

Kasi babae yung nakaputi

Lalaki yung nakabarong

Kasi nga raw

Persepsyon ng mga tao

Ng karamihan

Ang lalaki ay para sa babae.

“Sinong nag-make up sa ate mo?

Bakla ba? Sino?”

Tanong ng tatay mo

Nung 18th birthday ng iyong Ate Malo

Talagang sa’yo pa

Na mas kabisado

Mga highend at local brands

MAC, BYS, Maybelline

Mas kilala

Mga damit na bago

Mga disensyong uso

ng mga bisteda’t gown na

pang bongga-low.

Pero nasagot mo ay

“Oo, Tay. Bakla.

Di ko po kilala.”

“Ma, si Kaye po pala.

Kaibigan ko.”

Pakilala mo

Sa kaibigang babae

Sa nanay mong

Paniniwala ay

Ikaw babae ay nilikha para

sa isang lalaki

Yung kaibigan mo

Kauri mo

Katulad mo

Na pinakilala mo sa nanay mo

Na iniibig mo ng todo.

“Sinong boypren ng anak ko, Kaye?”

Haha.

Ma.

Kung alam mo lang.

Pero paano?

Paano aaminin?

Bakit patuloy na kinikimkim?

Katotohanan

Nilalaman ng puso

Bakit di magawang sabihin?

Sa sariling magulang

Pamilya

Bakit di mapagsigawan?

Bakit ayaw iparinig

Ipakita sa karamihan?

Ang tunay na kulay

Ang dahilan kung bakit nabuhuhay

Kung ano ang papel sa storyang

sana’y makulay

May makikinig ba?

Oo, makikinig

Makikiramdam

Sa bigat na pinagdadaanan

Ng may pusong babae na si lalaki

At ang may pusong Adan na si Eba

Pero iilan lang

Ang handang tumanggap

Buksan ang isipan

Ang puso

Ang mata

Sa katotohanang

May love wins na,

may LGBT na.

Sila ay may lugar

Sila ay kapantay

Ng mga babae’t lalaking

nilikha Niya

Sila ay karapat-dapat

Tanggapin

Mahalin

at huwag mamaliitin

Pagkatao’y sirain

Pangarap ay walisin.

Sabi nga ni Gloc 9

“Kung minsan ay mas lalaki pa

sa lalaki ang bakla.”

Totoo.

Cuz girl, you are very fine.

Mga baklang mas may galang

Mas may dangal

Prinsipyo at pangarap

Sa pamilyang naghihikahos sa hirap

Kahit minsang itinakwil

O di tinanggap

Mga baklang

Ang layo na ng hakbang

Sa daan patungo sa hinahangad

Dahil sa may sipag at tiyaga.

Mga tomboy

Na mas marunong mag-alaga kaysa kay baby boy

Dahil mas takot na your heart will be destroyed

Pero sila pala

Ang sumalo sa mga bombang dineploy

Mula sa panghuhusga

Masasakit ba salita

Mula kay tita mo girl at tito boy.

Eh ano naman

Kung nagkakagusto ako both men and women?

Eh tao lang naman ako eh

May pakiramdam?

So what kung sundin ko ang puso ko?

Mula lalaki ay maging babae ako?

Eh ayaw kong kalbo ako eh.

Ayokong nakabrip ako.

Kaya, I’m transgender.

Oras na

Kanina pa

Noon pa

Matagal na

Na yakapin ng lahat

Bata o matanda

Millennial o patungong centennial

Ang mga tulad nilang

Gaya rin nating

Pagtanggap at

pagmamahal

ang hangad.

Ang kasiyahan

Tunay na kagalakan

Ay makakamtan

Kapag nailabas mo na ang katotohanan

Kapag tanggap mo na na woman na ang dating man

Kapag okey na sa’yo makakita ng magka hawak kamay na both man and woman

Kapag di ka na nandidiri kapag nakakarining ng kwento

Tungkol sa pogi

Transformed into a whole new beauty

Kapag nangyari iyon

Sa hinaharap

O di kaya ngayon, hinahangad ko

O, Panginoon

Mula Batanes hanggang Jolo

O di kaya’y Hello Philippines! (Hello, world!)

Ay magiging masaya

tulad ng rainbow.

Kaya tapikin ang katabi

Bigyan ng ngiti at sabihing

“Tanggap kita, sis.

Tanggap kita, bro.”

Bahaghari.